ಓ ನವ ನಾಗರಿಕರೇ,
ಧsನದಾಯಿ ದರಿದ್ರರೇ
ಗೊತ್ತೇ ನಿಮಗೆ
ಈ ನಗುವಿನ ಬೆಲೆ-ಎಂದು
ಅಣಕಿಸುತ್ತಿರುವೆಯಾ ಅಜ್ಜಿ ||
ಶ್ರಮಿಕಳಾದರೂ ಬಡವಿ ನೀನು |
ಹೃದಯ ಶ್ರೀಮಂತಿಕೆಯ ಕಡಲು ನೀನು|
ನಗದ ಗುಮ್ಮರಿಗೆ ಪಾಠ ನೀನು |
ನಗುವೆಂಬ ಆಭರಣ ತೊಟ್ಟ
ವೈರಾಗ್ಯಮೂರ್ತಿ ನೀನು||
ಪ್ರೀತಿ-ಪ್ರೇಮ ಮರೆತೋಯ್ತು |
ಯಾಂತ್ರಿಕತೆ ಬದುಕಾಯ್ತು |
ನಗುವ ಪ್ರಮೇಯ ಇಲ್ಲವಾಯ್ತು |
ಆತ್ಮ ವಿಮರ್ಶೆ ಮಾಡಿಕೊಂಡರೆ
ನಕ್ಕಿದ್ದು ಶೂನ್ಯವೆಂದು ಗೊತ್ತಾಯ್ತು ||
ಅಜ್ಜಿ ಓ ಅಜ್ಜಿ
ದಯವಿಟ್ಟು ನಿಲ್ಲಿಸು ನಗುವುದನ್ನು |
ಅಸೂಯೆಯಾಗುತಿದೆ ನಮಗೆ ನೋಡಿ
ನಿನ್ನ ವಿಶಾಲ ಹೃದಯವನ್ನು
ಇನ್ನು ಮುಂದಾದರೂ ಕಲಿಯುತ್ತೇವೆ
ಹೃದಯ ತುಂಬಿ ಅಲ್ಲದಿದ್ದರೂ
ಬಾಯಿತುಂಬ ನಗುವುದನ್ನು ||
ಬುದ್ದೆಪ್ಪ
No comments:
Post a Comment